मेटाचे सीईओ मार्क झुकरबर्ग आणि त्यांची पत्नी प्रिसिला चैन यांची एका ऑफ मार्केट डीलमध्ये आयरलँडच्या वॉटरफोर्ड जिल्ह्यात ब्लॅकवॉटर नदीच्या काठावर वसलेला २०० वर्षे जुना ऐतिहासिक स्ट्रँकॅली कॅसल (Strancally Castle) हा किल्ला विकत घेतला आहे. १९ व्या शतकातील गॉथिक स्थापथ्य शैलीतील हा किल्ली तीन मजल्यांचा असून ४४० एकर परिसरात पसरलेला आहे.या किल्ल्याच्या व्यवहाराची किंमत गुप्त राखण्यात आली आहे. दि आयरिश टाईम्सच्या बातमीनुसार या संपत्तीची किंमत २० ते ३० मिलियन युरो असू शकते. ( सुमारे २२४.०६ ते ३३६.०९ कोटी रुपये ) मेटाच्या सीईओचे एका प्रवक्त्याने ‘द आयरिश टाइम्स’ला दिलेल्या वक्तव्यात म्हटले आहे की मार्क आणि त्यांचे कुटुंबिय या ऐतिहासिक घराची देखभाल जारी राखण्यासाठी उत्सुक आहेत. आणि आयरलँडमध्ये वेळ घालवण्याची वाट पाहात आहे. येथे मेटाचे आंतरराष्ट्रीय मुख्यालय देखील आहे. या खरेदीमुळे झुकरबर्गना मेटाच्या आयरिश ऑपरेशन्सच्या खूप जवळ एक मोठी खाजगी संपत्ती प्रदान करते. कंपनीने २००९ पासून आयरलँडमध्ये आपले युरोपीय मुख्यालय उघडलेले आहे.
सोळा हजार चौरस फुटाचा ऐतिहासिक किल्ला
स्ट्रॅनकली कॅसल ही एक तीन मजल्याची गॉथिक रिव्हाईव्हल संपत्ती आहे, जी १६ हजार चौरस फूटावर पसरलेली आहे. या किल्ला मुळ रुपात १८३० च्या आसपास एक माजी टोरी खासदार जॉन कीली यांनी बनवला होता. स्ट्रॅनकली याचा विशाल आकारात याची सर्वात मोठी खासियत आहे. एवढी मोठी संपत्ती आहे की किचन ते डायडींग रुमपर्यंत पोहचण्यासाठी अनेक मिनिटे खर्च होतात.
या किल्ल्याचे मालक आधी मायकल आणि जियाकार्ला एलन-बकली होते. त्यांनी २५ वर्षे ही संपत्ती सांभाळली. लंडन स्थित प्रायव्हेट इन्व्हेस्टमेंट फर्म आरएबी कॅबिटल( RAB Capital ) चे सह-संस्थापक मायकल एलन-बकली आणि त्यांच्या पत्नीने या किल्ल्याचा जीर्णोद्धार केला होता. २५ वर्षांचा स्नेह आणि या जागेवरील प्रेम केल्यानंतर आता आम्ही ही संपत्ती सोडत आहोत. स्ट्रॅनकली कॅसल वाचवणे आणि त्याचा जीर्णोद्धार करण्याची आम्ही संधी मिळाली त्याचे आम्ही आभारी आहोत असेही या दाम्पत्याने ‘द आयरिश टाइम्स’शी बोलताना म्हटले आहे.
त्यांनी पुढे सांगितले की या गोष्टीचा आनंद आहे की झुकरबर्ग आणि त्यांचे कुटुंब या किल्ल्याची संपत्ती आणि याच्या मैदानात गुंतवणूक जारी राखण्याची इच्छा बाळगत आहेत. ही संपत्ती योगल ( Youghal ) पासून ३० मिनिटाच्या ड्राई्व्ह वर आहे आणि ब्लॅक व्हॅलीमध्ये स्थित आहे. जी बॅली नाट्रे हाऊस आणि लिस्मौर कॅसल सह अन्य प्रतिष्ठीत संपत्तींच्या जवळ स्थित आहे.
प्रतिक्रिया द्या