पुणे - राज्यात एकामागोमाग परीक्षेत घोळ होत असल्याचे उघडकीस येत आहे. आता पुणे पालिकेच्या कनिष्ठ अभियंता परीक्षेत घोटाळा झाल्याचा आरोप होत आहे. प्रशासनातील मोठ्या व्यक्तीचा या घोटाळ्यात समावेश असल्याचा आरोप शिवसेना पक्षाचे नगरसेवक नाना भानगिरे यांनी केला आहे.
राज्यातील एमपीएससी परीक्षा, हायकोर्टाची लिपिक परीक्षा घोटाळ्या पाठोपाठ आता पुणे पालिकेच्या कनिष्ठ अभियंता परीक्षेत घोटाळा झाल्याचा आरोप पुणे महानगर पालिकेतील घोटाळा झाल्याचा आरोप होत आहे. या परीक्षेत गडबड झाल्याचे १६ जून रोजी निदर्शनास आले होते असे शिवसेना पक्षाचे नगर सेवक नाना भानगिरे यांनी म्हटले आहे.
पुणे महानगर पालिकेने कबुल केले होते की तीन जणांनी चिटींग केले आहे. हे चिटींग झाल्याचे समोर येऊन देखील पुणे महानगर पालिकेचे आयुक्त आणि अतिरिक्त आयुक्तांनी १६९ जणांची नियुक्ती कशी काय केली असा सवाल नगर सेवक नाना भानगिरे यांनी केला आहे. परीक्षेतील पेपर आधीच नियुक्ती नियमबाह्य असल्याचा आरोपही त्यांनी केला आहे. ही नियुक्ती रद्द करावी आणि पुन्हा एकदा परीक्षा घ्यावी आणि उमेदवारांवरील अन्याय दूर करावा अशीही मागणी नाना भानगिरे यांनी केला आहे.
मुंबई हाय कोर्टाच्या लिपीक परीक्षेत गडबड
देशभरात नीटसह अनेक परीक्षेत घोटाळे होत असतानाच राज्यातही अनेक परीक्षांमध्ये घोटाळे होत असल्याचे उघडकीस येत आहे. आधी एमपीएससी परीक्षेत घोळ झाल्याचा आरोप होत होता. त्यात मुंबई हाय कोर्टाच्या लिपीक परीक्षेत गडबड झाल्याने राज्यभरातील परीक्षा केंद्रावर उमेदवारांनी मोठी निदर्शने केली होती. संभाजीनगर परीक्षा केंद्रात विद्यार्थ्यांनी आंदोलन केले होते. या निदर्शात सीजेपीचे अध्यक्ष अभिजीत दीपके यांनी सहभाग घेतला होता. या परीक्षा रद्द करण्याचा निर्णय कालच हायकोर्ट प्रशासनाने घेतला आहे. आणि नवीन परीक्षांची तारीख लवकरच जाहीर केले जाणार असल्याचे जाहीर करण्यात आले आहे.
प्रतिक्रिया द्या