सध्या संपूर्ण महाराष्ट्रात आणि देशात फक्त एकाच नावाची चर्चा सुरु आहे. तुकाराम मुंढे यांच्याकडे जेव्हापासून महाराष्ट्राच्या अन्न व औषध प्रशासन (FDA) च्या आयुक्तपदाची जबाबदारी आली आहे तेव्हापासूबन देशात अन्नसभेसळ करणाऱ्यांच्या मनात धस्स झालं आहे. त्यांनी सूत्रे स्वीकारल्यानंतर भेसळ करणाऱ्यांवर ताबडतोब कारवाई सुरू केली. त्यांच्या या कृतीमुळे अन्न व्यवसायात सर्रास भेसळ करणारे लोक हादरले आहेत. तुकाराम मुंढे यांची त्यांच्या निर्भीड कामाच्या पद्धतीमुळे अनेकदा बदली होत असते. तर आता अनेक सेलिब्रिटी लोकांनी त्यांची बदली होऊ नये अशी विनंती केली आहे. आता Seers Fund Management Pvt. Ltd. चे चिफ इन्वेसमेंट ऑफिसर चांदेर भाटिया यांनी एक विधान केले आहे.
चांदेर भाटिया यांनी ट्विट करत तुकाराम मुंढेबद्दल एक विनंती केली आहे. ते म्हणाले की, “महाराष्ट्र सरकारला माझी विनंती आहे की, श्री. तुकाराम मुंडे यांची किमान 2-3 वर्षे बदली करू नये. नियमभंग करणाऱ्यांविरुद्ध छापे टाकणे, तपासणी करणे आणि कारवाई करणे यांद्वारे ते उत्कृष्ट काम करत आहेत. भारतीय नागरिक म्हणून आपल्याला भेसळमुक्त, सुरक्षित आणि दर्जेदार अन्न मिळत नाही. दुसरी गोष्ट म्हणजे, एफडीए (FDA) मधील श्री. तुकाराम मुंडे यांच्या या चांगल्या कामाचा प्रभाव पडून इतर राज्यांमधील एफडीए विभागांनाही नियमभंग करणाऱ्यांविरुद्ध कारवाई करण्याची प्रेरणा मिळू शकते.”
प्रतिक्रिया द्या